Nevila Xhindi, pedagogia e Gjergj Majkos, djalit të socialistit Pandeli Majko, flet sot pse fshiu nga profili i saj në ”Facebook” foton e studentit të saj.
”E hoqa se në ”Facebook”-un tim askush nuk mund të shajë e të fyejë, aq më shumë studentët, të cilët janë gjithçka për mua”, rrëfen për ”Shuplaka”-n pedagogia demokrate Xhindi.
Pedagogia tregon se ishte një foto shumë miqësore, publikimi i së cilës me sa duket doli jashtë kontrollit me komente ofenduese.
”Gjergji është 22 vjeç…madhor. Fotoja u bë dhe u hodh në ”FB” me ok-in e tij. Ishte një foto miqësore. Gjergji është kryesenator, i përkushtuar në jetën studentore. Biseduam edhe për protestën dhe për angazhimin e të rinjve. Të gjithë ishim në një mendje për protestën si një instrument i demokracisë.
Unë shkruaja “Përshëndesim protestën”, dhe pse jo, kjo nuk ka të bëjë në je demokrat a socialist apo rilindas. Ka të bëjë me ndërgjegjësimim qytetar, me angazhimin demokratik të një shoqërie. Fotoja dhe statusi ishin shumë korrekte dhe tregon vetëdije.”, thotë Xhindi.
Ajo shpjegon se pse e fshiu foton si dhe komenton reagimin e deputetit socialist, i cili u kërkonte falje gjithë socialistëve për gjestin e të birit.
”E hoqa se në ”Facebook”-un tim askush nuk mund të shajë e të fyejë, aq më shumë studentët, të cilët janë gjithçka për mua.E ndjeva si veprim edhe prej nëne. Megjithse sqarimi i babait të tij ishte më shumë sqarim partik se biologjik…partia u fye rëndë”, përfundon pedagogia e djalit të Pandeli Majkos. (V.G/SHUPLAKA)
Discussion about this post