Anëtarja e kryesisë së Federatës së shahut në Izrael, Irena Steinova ka deklaruar ditën e sotme se fajin për konfliktin e armatosur Izrael-Palestinë e ka vetëm organizata Hamas.
Steinova nuk ngurron ta quajë Hamasin një gjakpirës, duke e krahasuar me ish-diktatorin Enver Hoxha, për të cilin thotë se e ka provuar vetë kur ishte e re cfarë kohe e vështirë ishte.
Sipas Steinovës që dha një intervistë për Fax News nga Izraeli, pritet që armëpushimi të arrihet për 2-3 ditë, pasi tashmë amerikanët po negociojnë për këtë.
Gjithsesi, ajo shton se gjithccka varet nga Hamasi, për të cilin thotë se ka frikë që sapo të arrihet armëpushimi, ai përsëri do të lëshojë raketa drejt popullit së Izraelit.
Pyetjes a po gjuan Izraeli me raketa kunder Hamasit, ajo iu pergjigj me po, duke shpjeguar se Izraeli thjesht po mbrohet nga sulmet e Hamasit.
Intervista:
Konflikti? Një gjë tepër e ulët nga ana e Hamasit. Izraeli nga halli se i gjuan familjeve të vetë, ai duhet të mbrohet. Fatkeqësisht në lagjen tim sot ra një raketë që prishi një lagje të tërë. Fshihen pas grave që Izraeli të mos i gjuajë. Kur arrin në konkluzionin që po vritet fëmijët e gratë e Izraelit, atëherë ai gjuan që të mos ndodhë më. Gjuhen dhe fshatrat arabe që janë në bashkëjetesë. Përse e bën këtë gjë? Për të arritur objektivat e tij të ccmendur. Unë si individ vesha bluzë të bardhë për të thënë se jam për paqe. Fajin e ka Hamasi. Më vjen keq dhe më dhemb shpirti për popullin palestinez dhe izraelit.
Ne mbrohemi shumë. Qeveria kujdeset shumë për popullin. Unë nuk jam frikacake. Ata vazhdojnë të gjuajnë. Prandaj thotë keni kohë gjysëm orë për tu larguar nga shtëpia. Ai pallat po shembet sepse është zyra e Hamasit. Ushtria izraelite është e detyruar të gjuajë aty.
A po sulmon Izraeli Hamasin? Po po është e vërtetë, Izraeli e ka deklaruar në tv e tij, që ai don ta dëmtojë Hamasin në mënyrë të tillë që të paktën për disa vite populli izraelit të ketë qetësi dhe të mos arrijë Hamasi të organizohet. Ata u futen nëpër tunele që t’i kapnin rob ushtarët izraelitë dhe të bënin pazare. Por Izraeli i futi ata në kurth dhe ka vrarë shumë ushtarë të Hamasit. Hamasi është armik i popullit të tij. Ashtu sicc kishim ne Enver Hoxhën 40 vjet, ashtu kemi dhe ne Hamasin. Jam kundra Hamasit sepse është thjesht gjakpirës, gjakderdhës, asgjë tjetër.
Hamasi? Ata nuk gjuajne vetëm me gurë, ata gjuajnë dhe me raketa. Këto nuk janë myslimane, janë pseudomyslimanë. Sepse myslimanët janë kundër vrasjeve. Janë thjesht njerëzit e Hamasit që fshihen pas fustaneve të grave dhe pas fëmijëve. Hamasi është njësoj si Enver Hoxha, dhe më vjen keq se unë e kam përjetuar atë kohë.
Sa mund të zgjasë konflikti? Shpresojmë të mbarojë për dy-tre ditë. Ka zëra se Izraeli dëshiron që të mbarojë për 2-3 ditë. Dihet që fjalën e fundit do e thotë Hamasi. Në momentin që do ketë armëpushim, jam e bindur që Hamassi do të gjuajë raketat e fundit drejt popullit të Izraelit. Kanë ardhur amerikanët për të negociuar. Hamasi ka kushtet e veta.
(E.H/Faxweb.al)
