Kristian Panuçi ka folur pas ndeshjes me Italinë, ku kuqezinjtë humbën 1-0.
Trajneri vlerësoi paraqitjen e kuqezinjve dhe u shpreh se kjo është baza mbi të cilën do të ngrihet e ardhmja e kombëtares.
“Luajtëm me shumë kurajo dhe zhvilluam një ndeshje të jashtëzakonshme. Krijuam 3-4 situata goli, ndoshta edhe duke rrezikuar pak, por jemi munduar të përballemi si të barabartë me Italinë”, tha Panuçi.
Po ashtu ai tha se humbja erdhi si pasojë e një gabim .
“Ne u ndëshkuam nga një gabim dhe në të tilla nivele, gabimet peshojnë shumë. Buffon bëri 3-4 pritje të mira dhe kjo i dha tre pikët Italisë”, tha ai.
(S.SH/Shuplaka)
