Kryeministri Rama ka komentuar gjendjen e jashtëzakonshme në Maqedoni ku një turmë militantësh të VMRO-DPMNE hynë në Parlamentin e Maqedonisë dhe dhunuan disqa politikanë ndër të cilët edhe ish-kreun e Komunës së Strugës Ziadin Selën dhe kreun e LSDM Zoran Zaev.
Në Top Story, Rama tha se në këtë situatë duhet të veprohet me qetësi. Kreu i qeverisë porositi shqiptarët e Maqedonisë që të mos bien pre e provokimeve. Rama kritikoi gjithashtu edhe punën e policisë maqedonase.
“Është një moment kur realisht duhet shumë qetësi. Më vjen shumë keq që u ngrit një strategji dritëshkurtër politike duke vendosur shqiptarët në shenjestër dhe duke përdorur si sebep të ashtuquajturën Platforma e Tiranës.
Është krejtësisht e papërgjegjeshme që një luftë për pushtet të motivohet. Kjo është një situatë që unë uroj do të jetë e përkohshme. Shqiptarët, lidershpi politik i shqiptarëve, të ruajë maksimalisht qetësinë dhe të mos bien në kurthin e reagimeve që mund të çojnë edhe në një përshkallëzim më të madh. Uroj që policia në Maqedoni të bëjë detyrën dhe të mbrojë njerëzit”,- tha Kryeministri Edi Rama. (M.D/ Shuplaka)
Discussion about this post