Flet Rosela Gjylbegu një muaj pas sherrit të bujshëm me Encën

Vetëm një muaj më parë dy këngëtaret e famshme u përfshinë në një sherr publik, i cili shkaktoi jo pak komente në media.

E ftuar në “Shiko kush luan”, këngëtarja u shpreh se nëse ka një këngëtare që nuk do të bashkëpunonte kurrë me të, ajo ishte pikërisht Enca.

Kaq mjaftoi dhe debati u ndez.

Enca shpërtheu menjëherë në rrjete sociale duke e quajtur Roselën “gjyshe” dhe se po mundohej të fitonte vëmendje.

Gjylbegu nuk reagoi në asnjë çast në lidhje me këto deklarat, deri në momentin e fundit kur u ftua në emisionin “Siluetë”.

Këngëtarja u përgjigj për faktin pse zgjodhi Encën duke u shprehur se nuk kishte asgjë personale me të.

“Nuk kam asgjë me të… nuk e di pse e keni marrë me kaq shqetësim. Pse e përmenda? Thjesht ndodhi. M’u desh të thoja një emër dhe e thashë,”- është shprehur Rosela.

(F.M/Faxweb)