Kryetari i Kuvendit të Shqipërisë, ish-kryetari i Lëvizjes Socialiste për Integrim, Ilir Meta, do të flasë sërish sot lidhur me zhvillimet më të fundit politike në vend, nga marrëveshja Rama-Meta tek shkarkimet e 6 ministrave që do të zëvendësohen me të përzgjedhurit e Bashës.
Burime të LSI-së bëjnë me dije për “Shuplaka” se Ilir Meta do të jetë sot i ftuar në emisionin “Zonë e Lirë” të Arian Çanit, në orën 21:00 të mbrëmjes së sotme.
Në një deklaratë për mediat dhënë gjatë ditës së sotme, Meta komentoi marrëveshjen e arritur, futjen e opozitës në zgjedhje dhe heqjen e çadrës nga bulevardi. Me nota ironizuese, ai u shpreh se në këto zgjedhje nuk do të mungojnë surprizat ndërsa demokracia tashmë do të ecë në bulevard.
“Dua të shpreh kënaqësinë time, edhe njëherë që sot të gjithë jemi më të qetë dhe më të lehtësuar se dy ditë më parë kur zgjedhjet dhe demokracinë në vendin tonë ishin në buzë të greminës dhe për këtë dua të falenderoj gjithë ata faktorë konstrukltivë, faktorët ndërkombëtarë dhe faktor e përgjegjshëm brenda vendit që dhanë kontributin e tyre për zgjedhje gjithëpërfshirëse që qytetarët të shkojnë të qetë drejt një procesi zgjedhor ashtu siç e meritojnë. Kjo është mjaft e rëndësishme për vendin.”, u shpreh Meta i pyetur nga gazetarët mbi arritjen e marrëveshjes mes Ramës dhe Bashës.
(XH.A/SHUPLAKA)
Discussion about this post