Flet shqiptari nga Stokholmi për sulmin: Agresori ngjante si një bishë e etur për jetë njerëzish

Kamioni u përplas me një turmë njerëzish  pranë një qendre tregtare në Stokholm dhe disa video qarkulluan teksa ata iknin me vrap për t’ja mbathur.

“Isha në vendngjarje dhe pashë tmerr me sy, njerëz që shtypeshin me njëri-tjetrin për së gjalli nga frika e kamionit, i cili ngjasonte me një bishë të etur për jetë njerëzish. Situata është bërë alarmante dhe vendi i ngjason ndonjë shtetrrethimi, po flitet se është sulm terrorist, por s’ma do mendja, sepse Suedia është shtet që pret mirë çdo fe dhe racë njerëzore, s’besoj se do zgjidhej Suedia për një sulm të tillë. Fatmirësisht unë dhe familjarët e mi jemi mirë, por sot kaluam një hororr, më dhimbsen shumë ata të pafajshëm që vdiqën”, përfundoi shqiptari nga Suedia”, – shkruan një dëshmitar shqiptar për JOQ.

Policia ka nisur evakuimin e banorëve nga e gjithë zona përreth sulmit.

Ambasada e Republikës së Shqipërisë së Suedi ka vendosur në dispozicion një numër telefoni për shqiptarët pas sulmit me një kamion në Stokholm ku humbën jetën 5 persona dhe disa të tjerë u plagosën.

Ambasada shqiptare në Stokholm ka vendosur në dispozicion numrin +46 76-258 50 41 për të gjithë shqiptarët që kanë nevojë për ndihmë.

(M.D/ Shuplaka)