Kryeministri Edi Rama është gjendur sot përballë akuzave të ndryshme që kanë ngritur studentët e Vlorës ndaj tij gjatë një takimi për të dialoguar për plotësimin e kërkesave.
Fillmisht studentët braktisën takimin me Ramën, pastaj e akuzuan për pasurinë, ndërkohë që një student ju drejtua duke i thënë se ju jeni mashtruesi më i madh i këtij vendi dhe kjo shfaqje sipas tij është e ndryrë.
Andi Bërdëllima, ishte një nga studentët që debatoi më gjatë me kryeministrin Rama i cili i tha se jë bërë bajat dhe se po na vret shpresën.
Në një intervistë për Fax News, Andi Bërdëllima, tregoi se shprehu mendimin e tij siç e ndjente, ndërkohë që shtoi se të paktën kryeministri Rama e dëgjoi.
“Nuk janë problem FRESSH-istët. Janë probleme sesi jetojmë ne në këtë vend. Shkova për të bërë një vizitë me nënë e sëmurë e cila kishte dhimbje të jashtëzakonshme, dhe çfarë ndodhi, lanë një datë dy muaj më vonë. Dhe në atë datë dy muaj më vonë u detyruam të shkojmë tek privati. E njëjta gjë po bëhet me arsimin, vijmë këtu dhe nuk marrim as 10% të atyre që na takojnë me ligj. Dhe detyrohemi të shkojmë tek privati. Është një lloj skeme që ne e ndjejmë. Sepse nuk di si ta shpjegoj se nuk jam i mirë me fjalët.
Studioj drejtësi. Jam bashkë me motrën dhe paguaj të gjitha këstet. Prindërit pa punë. Unë nuk kam një kauzë, kisha medimin tim dhe e shpreha. Mendoj se ai ishte ndër të parët që na dëgjoi. Pastaj jemi mësuar me këto. Jemi mësuar dhe me ato të parët dhe me ato që hedhin çizmet. Nuk di çfarë të them. Sikur jam kundër kryeministrit! Më duket më cool nga të gjithë kryeministrat që kanë qenë më parë. Madje shumë njerëz e kanë etiketuar tek pjesa e psikopatit, apo si ta them po mua më të paktën ai është më afër realitetit.”- u shpreh Andi Bërdëllima.
(M.Q./Faxweb.al)
Discussion about this post