Trajneri i përfaqësueses shqiptare, Kristian Panuçi, ka dalë sot në konferencën e zakonshme për shtyp, një ditë para duelit të eliminatoreve të Botërorit ndaj Maqedonisë. Panuçi ka folur për përgtitjet e sfidës por edhe për synimin e Shqipërisë. Italiani ka deklarur se në Maqedoni kombëtarja jonë do të luajë për fitore dhe jo për barazim.
“|Erdhëm për të fituar ndeshjen, pastaj të shohim çfarë na sjell fati, me siguri nuk firmosim për një barazim, hyjmë në fushë me kurajë. Me respekt të madhe për Maqedoninë, pro të ndërgjegjshëm për cilësitë tona”, tha ai.
Ndërkohë që ka treguar se Sdiku do të jetë gati për sfidën e nesërme.
“Sadiku është në dispozicion, i kam të gjithë në dispozicion dhe pastaj nesër do të shihni lojtarët që do të zbresin në fushë”.
Në lidhje me stadiumin Panuçi tha se ishte i vogël por terrenin e cilësoi si të mirë.
“Sa i përket stadiumit, është i vogël, por terreni është i mirë. Stadiumet e vogla kanë gjithmonë vështirësi, por ne duhet të mendojmë të luajmë ndeshjen tonë dhe nga kjo pikëpamje të jemi gati”, tha ai.
(B.H/Shuplaka)
Discussion about this post