Flet vëllai tjetër i Klement Balilit që është shpallur në kërkim për trafik droge dhe pastrim parash. Bashkim Balili, folur këtë të shtunë, pas vëllait të tij Hektorit lidhur me atë që di për vëllanë e tij.
Ai dëshmon për ”News24” se policia u ka rrethuar shtëpinë dhe ka kontrolluar pa shpjegim, ndërsa thotë se ka ushtruar terror. Bashkim Balili thotë se nuk e di ku ndodhet por del garant se vëllai i tij është njeri i pastër dhe gëzon respekt në shoqëri.
DËSHMIA:
”Nuk di ku ndodhet vëllai. Kam kohë pa kontaktuar. Vëllai ka qenë në fshat, në Sarandë, në Tiranë. Nuk e di ku ndodhet, mund të jetë edhe jashtë. Në 4 të mëngjesit policia na rrethoi shtëpinë dhe na kontrolloi banesat pa shpjegim. Policët ishin me maska dhe pa asnjë dokument. Policët shoqëruan Hektorin dhe më pas e lanë të lirë.
Gjithë ai terror nuk justifikohet. Vëllai im Klementi nuk ka faj, e gjitha është e sajuar. Klementi bën punë të ndershme, nuk ngatërrohet. Klementi është njeri i pastër, gëzon respekt në shoqëri.
Vëllai im do paraqitet te drejtësia kur ta thërrasin. Klementi nuk ka marrë njoftim për t’u paraqitur.”
Kurse Hektor Balili tha po sot se vëllai ishte nisur në Tiranë për disa dokumente.
Discussion about this post