Dy kandidatet e reja në moshë, Floida Kërpaçi e LSI-së dhe Barbara Doda e PD-së, kanë debatuar ashpër në puntatën e sotme të emisionit “Opinion” të gazetarit Blendi Fevziu.
Pasi shpalosën secila programet e veta, ata hynë në një debat shumë serioz lidhur me programet e partive politike, premtimet e mbajtura dhe pambajtura dhe deri tek debati i madh për Reformën në Arsim.
Ndërsa Kërpaçi po fliste për programin e LSI-së, Doda është shprehur mjaft e pakënaqur duke thënë se LSI është bashkëfajtore në krim përgjatë 8 viteve.
DEBATI:
Kërpaçi: LSI është shumë e thjeshtë dhe e sheh realitetin me sytë e të vërtetës
Fevziu: Pse të tjerët nuk e shohin me sytë e të vërtetës?
Kërpaçi: Jo gjithmonë. Për këtë arsye kemi punuar për një program konkret dhe jo një togfjalësh, jot re rreshta, por një program i punuar nga ekspertë ndërkombëtarë dhe vendas
Doda: A e zbatuat 8 vite që ishit në pushtet?
Fevziu: Kjo është pyetja thelbësore se programet bëhen
Kërpaçi: LSI është partia e fjalës së mbajtur, që jep premtime që mund ti mbajë ato
Doda: është partia që sa herë vijnë zgjedhjet thotë më fal për gabimet
Kërpaçi: Dhe plani ynë për punësimin është plani që do hapi 100 mijë vendeve të reja të puëns, që janë vende në sektorin e bujqësisë, turizmit, infrastrukturës, sektorin e shërbimeve
Fevziu: Me kë e keni konkurrencën në këto zgjedhje
Kërpaçi: Ne e kemi konkurrencën dhe këtë marrëdhënie vetëm me qytetarët
Fevziu: Si keni në llogari partitë e tjera?
Flogerta Beshiraj (kandidate e LIBRA): Në këto 100 mijë vende pune, do jenë të fokusuara të rinjtë që janë pjesë e elektoratit tuaj apo të rinjtë që kanë kontribuar
Kërpaçi: ta mbaroj pastaj ma ribëni pyetjen. LSI do dali forcë e parë sepse është shumë serioze, sepse të gjitha hallet i ka punuar në një program real, konkret dhe jo fjalë boshe.
Doda: Sidomos LSI e ka zakon që sa herë vijnë zgjedhjet thotë “po jo se ne donim por nuk e bëmë dot’, po në fakt keni qenë bashkëpunëtore në krim përgjatë këtyre 8 viteve, sidomos 4 viteve të fundit
Kërpaçi: Nuk e di kur i keni parë ju qëndrimet e LSI, sepse kanë qenë gjithmonë konkrete edhe për Reformën në Arsim
Doda: A nuk ishit ju ato që e votuat
Kërpaçi: Kemi ndërmarrë një tur takimesh në të gjithë Shqipërinë për të dëgjuar të gjitha shqetësimet e maturantëve dhe morëm një paketë vlerësimesh që ia kemi dorëzuar ministrisë së Arsimit
Doda: Po por ju ishit që e votuat dhe përveç kësaj, zëvendës ministrja e Arsimit ka 8 vite që është e LSI-së
Kërpaçi: Ne e votuam sepse sistemi arsimor kishte nevojë për ndryshim , por nga Edi Rama na u premtua që do kalonin të gjitha të aktet nënligjore, pavarësisht se nuk kaluan (D.D/Shuplaka)
