Orët e ardhshme mund të jenë vendimtare për përcaktimin e të ardhmes së Cristiano Ronaldos. Florentino Perez, president i Real Madridit, sipas mediave të huaja duket sikur i ka hapur rrugë largimit të tij drejt Juventusit edhe pse një divorc i tillë do të ishte në mënyrë të pashmangshme traumatik sidomos për tifozët e blancos, për të cilët 33-vjeçari është një idhull absolut.
“Nëse dëshiron të ikë, e ftoj që ta bëj ketë gjë publikisht duke thëne edhe arsyen. Nëse e bën e lë të lirë”, ka deklaruar Perez.
Perez ka pranuar se nuk ka një mardhënie normale me Cristianon.
“Marrëdhënia mes nesh ka kohë që është e tensionuar, prej muajsh”, ka thënë ai.
Ndërkohë që sipas spanjolles ‘Marca’ prishja mes Ronaldos dhe Realit ka tre faktorë kryesorë.
Një arsye është se Perez ka refuzuar të rrisë pagën e Ronaldos dhe t’i japë atij një kontratë të re, të përmirësuar.
Një tjetër arsye që thuhet është se Reali nuk e ndihmoi në rastin e mashtrimit tatimor që vlen 20 milionë euro.
Arsyeja e tretë ka të bëjë me faktin se Perez është tani i prirur drejt blerjes së një superstari të ri për të zëvendësuar Ronaldon dhe ish-ylli i Manchester United nuk është i kënaqur për këtë.
(B..H/Faxweb)
