Guvernatori i Floridës, Rick Scott shpalli të martën gjendjen e jashtëzakonshme për shkak të shpërthimit të më shumë se 100 zjarreve që kanë djegur pjesë të mëdha të këtij shteti amerikan.
Resurset shtetërore do të kenë mundësi që të luftojnë me stuhinë e zjarrit dhe të dërgojnë rezerva ushqimore për banorët e prekur nga zjarri.
“Kam shpallur gjendjen e jashtëzakonshme në Florida, në mënyrë që të sigurohem se jemi të gatshëm t’u përgjigjemi zjarreve dhe të përgatitemi për zjarret e reja”, tha Skot.
Guvernatori tha se shpallja e gjendjes e bën më të lehtë mobilizimin për tu përballur me fenomenin dhe njerëzit e prekur direkt nga zjarret.
Zjarret po ashtu po kërcënojnë edhe jetën e egër. Një grup adoleshentësh kishin gjetur të dielën një piton të madh që kishte marrë djegie në trup, raporton Associated Press.
Zjarret kanë përfshirë një zonë prej 9,600 hektarësh dhe kanë shkatërruar 19 shtëpi. (M.D/ Shuplaka)
Discussion about this post