Ditën e djeshme, Këshilli Bashkiak vendosi shembjen e godinës së Teatrit, pa mbledhje dhe me një vendim qarkullues të firmosur nga Toni Gogu. Ky vendim ka sjellë jo pak reagime nga ana e artistëve në rrjet, dhe atyre që protestojnë për më shumë se dy vite në oborrin e godinës së Teatrit.
Edhe Florjan Binaj e ka ngritur si shqetësim këtë çështje, teksa ka kërkuar që të ndërtohet një teatër i ri, dhe godina ekzistuese të ruhet. “Ndërto një teatër të ri, pa prishur të vjetrin”, ka shkruar aktori në një postim në Instagram. Një propozim si i Florit, që e kemi parë si ide edhe nga disa artistë, nuk janë marrë parasysh nga Bashkia.
Me zbardhjen e vendimit, Binaj ka publikuar një pjesë të dokumentit të nënshkruar nga Këshilli Bashkiak. Ai ka nënvizuar pjesën ku Teatri cilësohet si “pasuri”. “E shkruar e zeza mbi të bardhë që Teatri Kombëtar është pasuri. As popujt e pasur nuk prishin pasuritë! Turp!”, ka shtuar më tej Flori, ndërsa ka hedhur akuza dhe në drejtim që qeverisë, që sipas tij është e pavotuar nga populli.
Discussion about this post