Pika e kalimit kufitar në Morinë po përballet me një fluks të lartë të udhëtarëve. Ditët e fundit gjatë festave të fundvitit, fluksi ka pësuar rritje të madhe në hyrje-dalje.
Mësohet se në Morinë, kanë hyrë 9,573 persona me 3,719 automjete, ndërsa në dalje raportohet për 15,495 persona me 4,787 automjete. Ndërkohë, në vetëm në 24 orë kanë hyrë e dalë në total rreth 25 mijë persona.
Në të dyja anët e kufirit të Morinës po punohet me 8 sportele, për të përballuar fluksin në rritje. Kështu, janë shmangur radhët e gjata në kufi duke punuar me procedurë të përshpejtuar.
