Ky sezon turistik në Shqipëri ka shënuar një ulje të numrit të turistëve krahasur me vitin e shkuar. Gazetarja e ‘Fax News’ Ervina Shehaj ka raportuar nga Ksamili mbi problematikat që kanë shoqëruar këtë sezon turistik një nga perlat e jugut.
Sipas saj janë disa probleme me të cilat përballen pushuesit, siç janë zaptimi i hapësirave publike, rritja e çmimeve ku mjafton të kujtojmë që numri i shezlonëve është dyfishuar dhe pakënqasia nga shërbimet.
Sipas banorëve të zonës në Ksamil numri i turistëve ka rënë ndjeshëm, ndërsa theksojnë se tashmë në Ksamil ka vetëm turistë të huaj dhe shumë pak vendas.
Ndërkohë që një nga turistët e huaj që ka folur për ‘Fax News’ ka thënë se për të çmimet janë në rregull, por ambienti nuk është shumë i pastër.
Kujtojmë që ky sezon jo vetëm në Ksamil por edhe në zonë të tjera të Shqipërisë ka pasur rënie të numrit të turistëve. Si një ndër problematikat kryesore raportohet të jetë rritja e çmimeve, në disproporcion me shërbimin që ofrohet.
(B.H/Faxweb)
Discussion about this post