Udhëtimi i kryeministrit Edi Rama në Hollandë mesnatën e 14 korrikut, fill pasi Ilir Meta ubetua president, u koemntua shumë nëpër media.
Kjo për shkak të incidentit që pësoi Rama me autoritetet hollandeze. Mirëpo një javë më pas, këshilltari britanik i kryeministrit Alastair Campbell, tregon në një shkrim të tijin të publikuar sot në “The News European”, se për çfarë ka qenë kjo vizitë e kryeministrit shqiptar, e mbajtur sekret nga zyra e shtypit deri në çastin kur u bë publik incidenti.
Në shkrimin me titull “Shqipëria: Rinore, e freskët-emocionuese dhe gjetja e rrënjëve të veta në Evropë”, ish zëdhënësi i Tony Blair shkruan se një javë më parë, sëbashku me kryeministrin Edi Rama ka qenë në një takim me një grup ish-kryeministrash nga Europa, mes tyre edhe Blair.
“Sa i përket përfshirjes sime personale në këtë vend, e cila daton 6-7 vjet, Edi Rama tregoi këtë histori në një darkë një javë më parë, ku mblodhi një grup ish-kryeministrash nga Europa, këshilltarë të Bankës Botërore, akademikë, organizata fílantrope, ekspertë të zhvillimit dhe këshilltarët e tij të komunikimit, për të diskutuar planet për mandatin e tij të dytë, vetëm pak pas zgjedhjeve që e panë atë të fítonte një mandat dhe më të fuqishëm se ai i pari, katër vjet të shkuara”, shkruan Campbell në artikullin e tij.
“Ekziston një arsye përse të gjithë këta ekspertë të njohur nga e gjithë bota dolën vullnetarë, për të qenë në takimin që përcaktoi linjat e mandatit të dytë të Ramës. Kjo është shumë e rëndësishme, në një rajon historikisht të paqëndrueshëm, me të, një lider të rëndësishëm brenda tij. Liderja më e rëndësishme në Europë, Angela Merkel, ka zhvilluar një interes të posaçëm për të dhe ka luajtur një rol aktiv në inkurajimin e afrimit shqiptaro-serb”, shkruan më tej Campbell, duke nënkuptuar se në këtë tavolinë po diskutohej për fatin e Shqipërisë. (D.D/Shuplaka)
Discussion about this post