Tre të rinj nga zona e Matit kanë rënë nën prangat e policisë, për armëmbajtje pa leje.
Ky veprim ndërmerret nga Forcat e Ndërhyrjes së Shpejtë (FNSH) në zbatim të planit për rritjen e rendit dhe sigurisë në vend.
Të arrestuarit janë Gerson Pasha, 22 vjeç, Gazmir Lala, 30 vjeç, dhe 17-vjeçari L.L, të tre banues në Burrel.
Të tre të arrestuarit u kapën në flagrancë në një lokal bastesh në zonën e Matit.
Njoftimi i policisë:
Efektivët e Matit, në bashkpunim me FNSh Shkodër kanë ushtruar kontrolle në mjedise të ndryshme (lokale eurolloto e tjera ) të qytetit të Burrelit për kapjen në flagrancë të personave që mbajnë dhe qarkullojnë me armë pa leje, personat që shpërndajnë e trafikojnë lëndë narkotike, për personat e shpallur në kerkim.
Si rezultat i këtyre kontrolleve në një pikë eurolloto është kapur në flagrancë me armë në brez shtetasi : Gerson Pasha 22 vjeç, banues në Burrel, i cili u arrestua për veprën penale “Mbajte pa leje të armëve dhe municioneve luftarake” .
Gazmir Lala 30 vjeç, gjithashtu u kap gjatë kontrollit në të njëjtin lokal pike bastesh me thikë me vete. Gjithashtu është proceduar në gjendje të lirë shtetasi; L.L, 17 vjeç, banues në Burrel, pasi u kap gjatë kontrolleve me një dorezë boksi metalike që e mbante me vete.
Arma e zjarrit Pistoletë “TT”, thika dhe doreza e boksit metalike janë sekuestruar në cilësinë e provës materiale. Materialet i kaluan Prokurorisë së Matit për veprime të mëtejshme. (D.D/Shuplaka)
[ngg_images source=”galleries” container_ids=”589″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
