“Fol e fol, s’ta besonte njeri”, për çfarë ra dakord Basha në vitin 2014 me Sorosin (VIDEO)

Për avokatin Altin Goxhaj, reforma në drejtësi është e përgatitur nga fondacioni Soros me miratimin e kreut të Partisë Demokratike Lulzim Basha.

Goxhaj tha se ka një dokument të zbuluar nga ëikileaks në vitin 2016, një nga 2500 dokumentat që u zbuluan ku fondacioni Soros i Shqipërisë thotë se ka rënë dakord me Lulzim Bashën në takimin e vitit 2014 për reformën në drejtësi.

“Në cilin vend të planetit tokë, një kompani private ka bërë reformën në drejtësi, nuk ekziston.Kemi rastin e Shqipërisë, ka një dokument të fondacionit Soros ku thuhet se si do t’i mbushim mendjen ndërkombëtarëve, ambasadës amerikane, Bashkimit Europian, që të bëjë reformën në drejtësi. Pra ideja vjen nga Sorosi.

Kemi një dokument të mbajtur sekret nga Lulzim Basha që në takimin që ka bërë Lulzim Basha me Sorosin në 5 dhjetor 2014 paskan rënë dakord që reformën ta bëjë Soro. Unë i kam pasur këto të dhëna, por fol e fol e s’ta beson njeri, deri sa në fund të 2015 plasi bomba kur Xhafaj tha se po të mos ishte fondacioni Soroa nuk do të bëhej reforma në drejtësi dhe atu u zbuluan dy dokumenta, vendime të Komisionit Parlamentar të Pavaruar për reformën në drejtësi që autorizonin Sorosin që të sillte ekspertët. Çdo ditë e shohim si Soros ka bllokur KLP-në dhe KLGJ-në nëpërmjet mungesë së kandidatëve nga Shoqëria Civile. Por duke mos pasur këto na u zgjodh kjo kryeprokurore”, deklaroi Altin Goxhaj.

Ai për më tepër theksoi se ndryshe nga të gjitha vendet përreth Soros hoqi nga kushtetuta dhe kodi i procedurës penale nenin për tradhëtinë kombëtare.

“E kanë hequr edhe nga kushtetuta edhe nga kodi i procedures penale”, tha Goxhaj.

Referuar vettingut të politikanëve, një nisme e Partisë Demokratike, Goxhaj u tha se kjo është një marrëveshje Rama-Basha që t’i heqin ca kundërshtarë njëri-tjetrit dhe të vonojnë reformën zgjedhore.

“Koncepti i vettingut është marrëveshje Basha-Rama, është kapja finale që sjell një pengesë ekstreme në reformën zgjedhore. Heqin ca kundërshtarë dhe nga ana tjetër për 1 vit nuk do të ndërhyhet në kushtetutë duke bllokuar reformën zgjedhore”, theksoi ai ndër të tjera.

Intervista:

(B.H/FAXWEB)