Pas fjalës së Nard Ndokës në çadrën e opozitës, gazetari Denis Dyrnjaja reagon përmes ironisë. Sipas tij, kryeministri Edi Rama do të bjerë pikërisht sepse ka folur ai, kreu i PDK-së. Sigurisht ky pohim vjen me një dozë të rëndë ironie për Ndokën.
“Po flet Nard Ndoka te çadra. Tani merr goditjen e fundit dhe fatale të rrëzimit Ed Rama. Derisa nuk kishte folur Nardi kishte dyshime por tani s’ka më asnjë dyshim, do bjerë.
Republika e Re me Nardin.
Dmth ku të përplasen shqiptarët e shkretë, kë të marrin e kë të lënë.”, shprehet gazetari.
Rreth një orë më parë, Ndoka i bëri thirrje kreut të LSI-së Ilir Meta, që të distancohet nga ajo që e quan “marria” e Edi Ramës dhe t’i bashkohet kauzës së opozitës për zgjedhje të lira dhe të ndershme. Ndërsa Ramën, e cilësoi si politikanin më të korruptuar. (D.D/Shuplaka)
