Gardianët kanë bërë një kontroll në qelinë e Kleodian Lekocaj, i akuzuar për vrasjen e avokatit Michalis Zafiropoulos, dhe nga mediat greke si kryemafiozi Burgjeve të Greqisë, me qëllim për gjetjen e telefonit me të cilin shqiptari kishte folur nga burgu për televizionin Fax News.
Ky kontroll është bërë në një kohë kur dihet se telefonat celularë në qelitë e burgut Koridallo qarkullojnë nga një dorë në tjetrën. Gardianët e kanë kërcënuar se atë e pretë biruca dhe se me force do te çohet atje, raporton gazetari Shpëtim Zinxhiria.
Shqiptari 43 vjeçar që u fut në burg për vjedhje më 2006, sot po përballet me akuza të forta për vrasje. Gradianët gjatë kontrollit nuk e kanë gjetur telefonin celular të Klodian Lekocaj, i cili nga ana e tij thotë se, si dënim për shkelje te rregullave të burgut, së shpejti do të çohet me forcë ne një birucë, dhe më pas në spitalin psikiatrik me qëllim për ta fundosur një herë e mire.
Gjithnjë sipas pretendimeve të tij e gjitha kjo vjen nga ish-drejtori i gjithë burgjeve Andonis Aravadinos, sot drejtor i spitalit psikiatrik, që çdo ditë ngreh akuza ndaj këtij ne mediat vendase në kundërshtim me ligjet vendase, duke mos qenë prokuror dhe as hetues. Lekocaj pretendon se Aravadinos po tenton ta vrasë me pistoletë me grupin e tij për ti mbyllur gojën.
Lekocaj foli për tu dëgjuar më në fund edhe ai, pasi në seanaca gjyqesore nuk i është dhënë e drejta e fjalës dhe as mundësia mbrojtëse me një avokat. Lekocaj ka folur për mediat shqiptare pasi ka mësuar se përfaqësuesit e Ambasadës Shqiptare në Athinë i është ndaluar kontakti me të dhe se kërkon ndihmën e shtetit e shqiptar poi nëpërmjet ambasadës sonë në Athinë për të ndjekur nga afer gjykimin e tij me 20 maj 2019 në Athinë.
Enigmë mbetet që një shqiptar pas hekurave, i pa shkollë që u fut në burg për vjedhje xhepash sot të jetë krimineli më i madh në Greqi, kreu i Mafise se Burgjeve te Greqisë duke marrë nga pas dhe mpleksur avokatë nga më të zotët dhe me emër në Greqi.
