Presidenti i ardhshëm Ilir Meta, i ftuar në emisionin “Debat në Channel One” me gazetarin Roland Qafoku, ka folur mjaft ashpër për kryeministrin Edi Rama.
Mirëpo pasi e cilësoi atë fajtor për kanabizimin e vendit, koncensionet, personat me rekorde kriminale në Parlament, Meta pranoi edhe një mëkat të LSI-së.
I pyetur nga Qafoku se cili ishte mëkati i LSI-së, Meta tha se ishte vetëm një votë në parlament për “Crown Agent’s”.
“LSI-ja mund të marrë përgjegjësi pse i votoi Ramës “Crown Agent’s” në Parlament në një mënyrë, do të thosha, jo shumë të ndershme, për arsye se do të duhej të ishte shpallur një garë, por e votoi, sepse mori garanci, besoi Ramën që do të bënte mrekulli me doganat. Kjo mrekulli nuk ndodhi, apo jo?
Ne i dhamë një besim. Ai na dha garanci, ne i dhamë besim. Kjo gjë dështoi, nuk mund të marrë LSI-ja përgjegjësinë për këtë gjë”, tha Meta. (D.D/Shuplaka)
Discussion about this post