Ditën e djeshme në emisionin ‘’Opinion’’ tema e diskutimit ishte ndikimi i Sorosit në Shqipëri. Po përpara nisjes së këtij emisioni drejtuesi i tij Blendi Fevziu u shpreh se e kishte të vështirë që të gjendte të ftuarit.
Çështja ‘’Soros’’ është kthyer në një pikë me shumë ndikim në vendin tonë sidomos pas akuzave se ai po ndërhyn jo vetëm në politikën shqiptare po edhe në Reformën në Drejtësi.
Analisti Kastriot Myftaraj ka qenë një nga personat që për një kohë të gjatë është shprehur publikisht se njerëzit e Soros në Shqipëri po mundohen të fshihen.
Madje ai pak ditë më parë ka thënë se do të nisë një kallzim ndaj ‘’Fondacionit Shoqëria e Hapur’’.
SHKRIMI I MYFTARAJT:
A po e ndiqni emisionin e Fevziut për Sorosin?
Fevziu tha në fillim të emisionit të tij për veprimtarinë e Sorosit në Shqipëri se nuk i ka shkuar në emision asnjë nga ata të cilët kanë drejtuar Fondacionin “Soros” në Shqipëri. Në fakt në studio sot nuk është asnjë kryetar bordi, asnjë drejtor ekzekutiv. Fevziu thotë se ai nuk e di përse ka ndodhur kështu. Në të vërtetë nuk është e vështirë të kuptosh arsyen përse ka ndodhur kështu. Fondacioni i quajtur “Shoqëria e Hapur” vepron si një shoqëri e fshehtë.
Që Fondacioni “Soros” është një shoqëri e fshehtë, këtë na e thotë gazetari si me shaka edhe gazetari sorosian Sokol Balla, i cili ka pasur privilegjin që ta ketë Sorosin në studion e emisionit të tij “Top story” kur erdhi në Shqipëri, në 2005. Në librin e tij me titull “33”, ku botohet transkripti i intervistës së gjatë me Sorosin në emisionin “Top story”, Balla shkruan në hyrje të kësaj interviste:
“Kjo është intervista nr. 33 e këtij libri që mban titullin ‘33: Tranzicioni në intervistë’, 33 është numri perfekt. 33 është mosha e Krishtit, 33 është numri i një partie politike në fletën e votimit në 28 qershor 2009, 33 është numri i masonëve. Askush nuk do ta besojë, por vetëm në fund konstatova, se numri 33 i takon intervistës me George Soros. E them këtë gjysmë me humor, se, me siguri, kjo gjë me siguri do të ngjallë kureshti dhe kontroversialitet nga kritikët e këtij libri, sidomos ndonjë që mezi pret të gjejë teori konspirative për gjithçka”. (Sokol Balla: “33: Tranzicioni në intervistë”, Botim i UET 2010, f. 467)
Në emisionin e sotëm, sorosianët e pranishëm flasin si papagaj që recitojnë sipas manualit sorosian sloganin se cdo kritikë ndaj Sorosit është “teori konspirative”. Por asnjëherë nuk sorosianët nuk shpjegojnë se cfarë kuptojnë ata me termin “teori konspiracioni”.
Qartësisht, me “teori konspiracioni” sorosianët kuptojnë ato kritika të bazuara në argumente të pakundërshtueshme për ta.
Është interesante ajo që thotë Iris Luarasi, se Sorosi nuk i ka takuar anëtarët e bordit të fondacionit, kur sipas Statutit ai ka të drejtën ekskluzive për t’ i emëruar ata. Sepse fondacionet nuk janë shoqata demokratike, por shoqata moniste, ku themeluesi i fondacionit dikton gjithcka. Kjo do të thotë se Soros ka vepruar në Shqipëri duke ia deleguar kompetencat e tij në fondacion një njeriu të besuar të tij në Shqipëri, i cili ka qenë Edi Rama. (E.K/SHUPLAKA)
Discussion about this post