Ish-sekretari i përgjithshëm i Ministrisë e Bujqësisë, Vojo Bregu ka reaguar lidhur me vendimin e qeverisë për të subvencionuar me 10 lekë për litër fermerët për çdo një litër qumësht.
Bregu ka publikuar edhe dy dokumente me të cilën provon se vendimi I qeverisë nuk korrespondon me kërkesat reale që kanë fermerët pasi sipas tij me fondin e akorduar nga qeveria mund të subvencionohet vetëm 1/10 e prodhimit vjetor të qumështit.
Ai shkruan në rrjetet sociale se 84 milion lekët e akorduara nga qeveria në krahasim me 130 mijë ton qumësht ë prodhohet në vit i bie që fermerët të subvencionohen vetëm për 8.4 mijë ton në total, duke ngritur pyetjen se kush do ti paguajë diferencën tjetër të subvencioneve.
Statusi i plotë:
TALLJA E RRADHËS….
KM i akordoi një shumë prej 84 milion lekësh Ministrisë së Bujqësisë, për pagesat për dorëzimin e qumështit lëndë e parë.
Subvencionimi do të jetë 10 lekë për litër qumështi të dorëzuar në pikat e përpunimit.
Pra i bie të subvencionohen 8.4 MIJË TON qumësht në total.
Sipas INSTAT prodhimi vjetor i qumështit është rreth 130 MIJË TON.
Pra subvencionohet më pak se 1/10.
Diferencën kush do ta subvencionojë????
(F.GJ/FAXWEB.AL)
Discussion about this post