Ylli i Francës dhe Manchester United, Paul Pogba, ka patur një agjent shqiptar. Ylli Kullashi është shqiptari i cili ka menaxhuar 40% të të drejtave të imazhit të futbollistit francez, në vitin 2014 dhe ka përfituar rreth 5 milionë euro pas një marrëveshje të lojtzarit me kompaninë e njohur Adidas, në vitin 2016.
Paul Pogba, së bashku më agjentin e tij Oualid Tanazeft,i kanë përdor një kompani offshore në ishullin Jersey për t’iu shmangur detyrimeve tatimore, shkruan “Insajderi”.
Sipas dokumenteve, të publikuara në median ranceze “Mediapart”, lojtari më i shtrenjtë në historinë e futbollit, dyshohet se është përfshirë në mosmarrëveshje midis agjentit aktual Mino Raiola dhe ish-agjentëve Oualid Tanazefti dhe shqiptarit Ylli Kullashi, për të fituar të drejtat e imazhit të futbollistit.
Megjithatë, kur Raiola u bë përfaqësuesi i lojtarit, ai bëri gjithçka që t’i merrte të drejtat e imazhit të Pogbas, derisa ia arriti ta bënte një gjë të tillë në vitin 2015.
Pogba, më 16 mars të vitit 2016, nënshkroi një kontratë 10-vjeçare me kompaninë e veshjeve sportive, Adidas, nga e cila do të fitojë 40 milionë euro.
Por siç raportonte gazeta e njohur franceze L’Equipe, disa ditë pas nënshkrimit të marrëveshjes, marrëveshja me Adidas u bë e mundur pasi u paguan nga pesë milionë euro për Tanazeftin dhe Kullashin.
Ylli Kullashi është menaxher futbollisti nga Kosova, por që jeton dhe punon në Francë.
