Forcat xheniere që mbërritën nga Tirana kanë hequr pakon me lëndë plasëse që ishte vendosur poshtë mjetit të administratorit të Vllaznisë Suad Lici, në Shkodër.
Xhenierët konfirmuan se pakoja ishte me lëndë palsëse, ama mungonte fitili i saj ndezës. Nuk dihet nëse ky ka qenë një incident nga ana e autorëve që kanë vendosur pakon, apo qëllimi i tyre ka qenë vetëm për të paralajmëruar Licin, i cili e konstatoi vetë pakon poshtë mjetit.
Gazetarja e Fax News, Emi Kalaja, raporton se pakoja tashmë do të dërgohet në laborator, ku do të bëhet ekspertiza e plotë e saj.
Pak orë pasi konstatoi një pako të dyshimtë në mjetin e tij, administratori i Vllaznisë Suad Lici, është shprehur se nuk ka pasur konflikte me askënd. Në një deklaratë për mediat, Lici tha se ai është një person i lirë dhe nuk ka konflikt të hapur me askënd.
Administratori i Vllaznisë u shpreh se ai do të vazhdojë normalisht jetën e tij, madje sot pasdite do të jetë në Durrës, ku skuadra e qytetit shkodran do të përballet me Teutën
“Rreth orës 8 e 30 dola nga shtëpia, pashë një pako të dyshimtë lajmërova policinë dhe kaq. Nuk jka pasur asnjë konflikt, le tia lëmë organeve kompetente zbardhjen e ngjarjes. Unë jam një njeri i lirë dhe do të vazhdoj të jetoj i tillë, njerëzit kanë kërkuar sqarime në lidhje me sportin, dhe këtë e kam bërë. Unë nuk merrem me formacionin.
Unë do të vazhdoj detyrën dhe do të jem sot në Durrës, do të marr pjesë në ndeshjen kundër Teutës, do të vazhdoj jetën time të përditshme. Unë mendoj se pa fol organet kompetente, ne nuk kemi pse i vendosim një etiketë, kriminelët të qendrojnë jashtë sportit, pasi qyteti ka nevojë për të”, u shpreh Lici për mediat.
E ndodhur në vendin e ngjarjes, kryebashkiakia Voltana Ademi u shpreh se situata në Shkodër nuk është aspak e qetë, ndërsa tha se duhet ti lihet vendi policisë në mënyrë që të bëjnë vlerësimin e situatës.
“T’iu lëmë mundësi teknicienëve që të bëjnë të mundur zbardhjen e ngjarjes”, u shpreh Ademi, ndërkohë që foli dhe për situatën në klubin e Vllaznisë.
“Situata tani në klub është e qetë, disa ngjarje nuk janë zbardhur ende, prandaj mendoj që për ngjarjen sot le të presim vlerësimet teknike. Nuk jemi në kuadër të një deklarate politike, sa kohë që kemi të bëjmë me jetën dhe me sigurinë e qytetarëve”, u shpreh mes të tjerave Ademi.
Njoftimi i policisë së Shkodrës për rastin:
Më datë 16.02.2020, rreth orës 08:56, shtetasi S. L. 46 vjeç, banues në lagjen “Ahmet Haxhija”, Shkodër ka njoftuar Sallën e Drejtimit në DVP Shkodër, se poshtë mjetit të tij tip Benz, ka konstatuar një pako të mbështjellë me letër natriban ku dyshohet se mund të ketë lëndë plasëse.
Në vend ndodhen shërbimet e policisë dhe grupi hetimor ku vijon puna për sqarimin e rrethanave të ngjarjes.
Lexo edhe:
(E.K/Faxweb.al)
Discussion about this post