Ministri i Mjedisit, Lefter Koka, ka vlerësuar Lëvizjen Socialiste për Integrim si forcë e konsoliduar, duke e krahasuar me forcat e tjera politike, duke u shpreh se LSI është ndryshe nga dy partitë tradicionale.
“Sot LSI është një forcë shumë më e konsoliduar ndryshe nga dy forcat e mëdha politike me të cilat jemi mësuar që janë vetëm ato dy forca tradicionale të cilat kanë dhënë kontributin e tyre në këto 25 vite në politikën shqiptare. Sot LSI është ndoshta e barabartë në përqindje votuesish, por ka një ndryshim në filozofi dhe në mënyrën sesi administron veten dhe mënyrën sesi kërkon të administrojë vendin dhe qytetin.”, është shprehur ministri duke theksuar se Lëvizje Socialiste për Integrim përbën ndryshim në filozofi dhe mënyrën si administron veten.
Më tej, ai është ndalur tek qyteti i Durrësit, duke u shprehur se ka mbetur po njësoj, veçse me lagje e rrugë të amortizuara, të lëna pas dore. Koka thekson se “një planifikim më të drejtë se si administrohet qyteti nuk ka patur dhe s’ka”:
“Duhet domosdoshmërisht që zëri i kësaj force politike të dëgjohet dhe të bëhet protagonist qoftë për të penguar gjëra të cilat dëmtojnë të ardhmen e qytetit, qoftë edhe për dhënë ide, për të ndërtuar gjëra të reja të cilat mund të shërbejnë këtij qyteti. Unë besoj që kemi vite që rrimë në stanjacion . Nuk e di sa kohë ka që po të dal nëpër Durrës, shoh të njëjtat lagje, të njëjtat rrugë, por thjesht të amortizuara. Do të thotë se dicka mungon e dicka nuk shkon. Një planifikim më të drejtë sesi të adminstrohet qyteti nuk ka patur dhe nuk ka.”
(XH.A/SHUPLAKA)
