“Fordi” merr flakë në ecje, flakët dëmtojnë edhe 3 makina të tjera

Mbrëmjen e sotme një incident është shënuar në rrugën “Muhamet Deliu”, në kryeqytet. Policia bën me dije se një automjet tip “Ford” ka marrë flakë në ecje, në pjesën e kroskotit. Si pasojë drejtuesja e mjetit, e frikësuar e ka braktisur makinën në rrugë, mirëpo nga flakët janë dëmtuar 3 mjete të tjera, 2 mjete të tipit “Benz” dhe 1 mjet i tipit “Ford”.

DETAJET E POLICISË

Më datë 19.07.2017, rreth orës 21:42, në numrin e Emergjencave 112, ka ardhur një telefonatë, se në rrugën “Muhamet Deliu”, ka marrë flakë një mjet.

Në vendngjarje kanë mbërritur shërbimet e policisë dhe zjarrëfikësia.

Nga verifikimet paraprake ka rezultuar se mjeti tip “Ford”, me drejtuese shtetasen B.M., në ecje e sipër ka marrë flakë në pjesën e kroskotit, si pasojë është braktisur në rrugë nga drejtuesja dhe nga flakët janë dëmtuar 3 mjete të tjera, 2 mjete të tipit “Benz” dhe 1 mjet i tipit “Ford”.

Grupi hetimor vazhdon punën për zbardhjen e rrethanave dhe shkaqeve të ngjarjes. (D.D/Shuplaka)