Një aksident i rëndë u regjistrua mëngjesin e sotëm në fshatin Mengël në Elbasan ku një mjet tip ‘Hondai’ i cili drejtohej nga një shtetas me iniciale E.P nga Tirana ka përplasur një fëmijë rreth 12 vjeç.
Ngjarja ndodhi rreth orës 08:15 të ditës së sotme, teksa i mituri u aksidentua rëndë pranë shkollës ku dhe ishte nisur. Sipas dëshmitarëve në vendin e ngjarjes është dashur të kalojë pak kohë deri kur ka ardhur ambulanca.
Mësohet se fëmija tashmë ndodhet në kujdesin e mjekëve ndërsa drejtuesi i mjetit E.P., është shoqëruar në komisariatin e policisë në Elbasan. Blute nisen hetimet per kete ngjarje.
Aksi Elbasan-Librazhd, konkretisht në Mengël ku ndodhet dhe shkolla 9-vjecare është problematike, pasi mjetet ecin më shpejtësi, ndërsa më herët komuniteti ka kërkuar ndërtimin e mbikalimeve, ose pengesave në rrugë. Pavarësisht kërkesave të tyre, autoriteti rrugor dhe pushteti lokal nuk ka marrë asnjë masë.
Njoftimi i policisë:
Në fshatin Mengël, të Elbasanit, shtetasi E.P., banues në Tiranë, duke drejtuar mjetin tip ” Hondai” ka aksidentuar një fëmijë rreth 12 vjeç, i cili ndodhet nën kujdesin e mjekëve.
Drejtuesi i mjetit është shoqëruar në Komisariatin e Policisë Elbasan, për veprimet e mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit.
(E.K/Faxweb.al)
