Foto/ Aksidenti me vdekje në Elbasan, mjeti përplaset me makinën e Policisë. Vdes shoferi

Një aksident me pasojë vdekje ka ndodhur gjatë orëve të para të mëngjesit të sotëm. Aksidenti ka ndodhur pranë ish-kombinatit metalurgjik në Elbasan.

Automjeti ka dalë nga rruga dhe më pas ka shpëthyer në flakë, duke shkaktuar vdekjen  e menjëhershme të shoferit. Viktima është identifikuar si Klodian Korançe 24-vjeç.

Pas daljes nga rruga mjeti është përplasur dhe me një makinë policie, e cila nga pamjet duket se ka qenë e parkuar.

Paraprakisht flitet se shpejtësia e lartë me të cilën udhëtonte mjeti mund të jetë bërë shkak për përplasjen fatale.

Detajet:

Më datë 28.05.2018, rreth  orës 01:50, në aksin rrugor  Elbasan –Metalurgji,  mjeti tip “Benz” me targa AA 325 EG, me drejtues shtetasin Klodian Korançe ,  në  lagjen “Skënderbej”,  Elbasan, paraprakisht dyshohet se  ka humbur kontrollin e mjetit duke u përplasur me rrethimin e një servisi në anë të rrugës.

Si pasojë e përplasjes  mjeti ka shpërthyer , ku ka gjetur vdekjen drejtuesi i mjetit shtetasi Klodian Korançe 24 vjeç, banues në lagjen “Skenderbej” , Elbasan. 

Grupi hetimor vijon veprimet në vendngjarje ku pritet të mbrijnë ekspertë më të specializuar   për zbardhjen e plotë të rrethanave të ngjarjes si dhe për përcaktimin e saktë të shkakut të  daljes nga rruga dhe të shpërthimit të automjetit.

(E.K/FAXWEB.AL)