Emocionet e Champions League kanë nisur, ndërkohë që na ndanë edhe një ditë nga finalja e madhe. Një emocion edhe më i madh është fakti se Dua Lipa do të jetë zëri kryesor në hapjen e ceremonies finale të Champions League.
Kujtojmë që ndeshja do të zhvillohet në Kiev, në një stadium me mbi 75 mijë tifozë.
Dua do të performojë në fushë disa nga hitet e saj si: “New Rules”, “New Love” dhe IDGAF”.
Këngëtarja ka disa ditë që ndodhet në Kiev dhe po zhvillon provat para shfaqjes.
Ditën e sotme Dua, ka dhënë një intervistë për mediat angleze, pikërisht në stadiumin e Kievit, ku nesër në 20:45 do të luhet supersfida mes Real Madrid dhe Liverpul.
Ajo u shpreh se ishte shumë e emocionuar, duke qenë e vetëdijshme për rëndësinë e eventit dhe për faktin që do performojë para 75 mijë spektatoreve. Në fund, e pyetur se cili do jetë ekipi triumfues sipas saj, ajo u përgjigj pa mëdyshje: “Liverpuli!”
Kjo mbase edhe për faktin se këngëtarja me origjinë nga Prishtina është lindur në Londër dhe dëshiron që ekipet angleze të rikthehen protagoniste në skenën europiane. (E.V/Faxweb.al)
