Ylli Dylgjeri ka reaguar ashpër përmes një postimi në ‘Facebook’ në lidhje me përmbytjen e Biblotekës Kombëtare ku mijëra libra u prekën nga uji.
Ndërsa citon fjalët e drejtorëshës së këtij institucioni se ““Bibloteka është jashtë standardit për të ruajtur nga uji dhe jemi në gjendje alarmante”, Ai pyet nëse do të mbajë njeri përgjegjësi penale për këtë shkatërrim që i është bërë pasurise letrare.
Nga ana tjetër Dylgjeri i kujton edhe vendin e origjinës Arta Markut, fshatin ‘Kçirë’ në Pukë, duke shtuar se sot jo gjithkush e njeh edhe këtë origjinë të Prokurores edhe për faktin se “Librat dhe hartat janë të lagura në biblotekë”.
Postimi i plotë:
A je tuj kqyr o bija e Kçirës?
“Bibloteka është jashtë standardit për të ruajtur nga uji dhe jemi në gjendje alarmante”, thotë drejtoresha e Biblotekes Kombëtare.
A do të mbajë njeri përgjegjësi penale për këtë shkatërrim që i është bërë pasurise letrare?
A ndodhet nën akuzë ndonjë funksionar shtetëror?
Kjo është një Thirrje!
Një Thirrje edhe për Prokuroren e Përgjithshme të Përkohshme që vjen në këtë detyrë nga fshati i thellë i Pukës me emrin Kçirë. Kçira është një katund i vjetër me 75 shpi, e 600 frymë. Aty lindi dhe kaloi fëmininë zonja Arta Marku. Kështu thotë historia dhe harta e kësaj krahine. Kështu thonë librat.
Por.., sot jo gjithkush e njeh edhe këtë origjinë të Prokurores së nderuar. CV e saj në Kuvend nuk e thoshte. Sot lexuesi nuk e njeh edhe për një fakt tjetër të rëndë. Librat dhe hartat janë të lagura në biblotekë. Gjëndja është alarmante. Bibloteka Kombëtare është e mbyllur.
Discussion about this post