Faxweb.al ka siguruar foton e Kujtim Koxhës, i cili shkaktoi një masakër të vërtetë ditën e sotme në fshatin Shëlli të Matit, ku vrau dy persona dhe plagosi dy të tjerë, të cilët ishin punonjës të Bashkisë.
Kujtim Koxha 51 vjeç, u kap rreth një orë larg vendngjarjes në një urë në Burgajet, ndërkohë që për kapjen e tij ishin vënë në ndjekje 40 forca policie. Koxha ka qenë kryetar i Partisë Socialiste për njësinë administrative të Macukullit.
Viktimë e breshërisë së plumbave të tij mbetën Erzen Alija dhe Mentor Hoxha, ndërsa u plagosën dy persona të tjerë, të cilët fatmirësisht janë jashtë rrezikut për jetën.
Koxha mësohet se fillimisht kishte debatuar me punonjësit e Bashkisë dhe më pas ishte larguar drejt banesës ku kishte marrë armën, dhe ishte kthyer në lokal ku personat që ishin ‘’pre” e tij ishin duke ngrënë drekën.
Njoftimi i policisë:
Kapet në kohë rekord nga Policia autori i ngjarjes në fshatin Shëlli.
Pas një orë ndjekje Policia kap e prangos autorin e ngjarjes.
Si rezultat i një pune të mirë organizuar Policia e Matit në bashkëpunim me Strukturat e D.V.P. Dibër, si rezultat i ndjekjes kap dhe arreston autorin e dyshuar i cili qëlloi me armë drejt disa personave ku si pasojë mbeti i vrar një shtetas dhe u plagosen 3 të tjerë.
Autori i dyshuar Kujtim Koxha, banues në Shëlli Mat, u kap rreth një orë larg vendngjarjes në një urë në Burgajet.
Për kapjen e tij u vunë në ndjekje 40 forca policie
(E.K/FAXWEB.AL)
Discussion about this post