Dy të rinj u ekzekutuan mbrëmjen e djeshme në një atentat në qendër të qytetit të Laçit, ndërsa derimë tani nuk ka asnjë person të arrestuar për këtë ngjarje.Viktimat u identifikuan si Mikel Jushi, 35-vjeç dhe Jani Jushi 30-vjeç, kushërinj të pare.
Fillimisht u raportua se dy të rinjtë ishin plagosur rëndë, por pavarësisht transportimit në një spital privat në kryeqytet ata nuk mundën që t’iu shpëtonin plagëve të marra.
Në foton e mëposhtme të siguruar nga Faxweb është njëri prej viktimave, Mikel Jushi, ndërsa ngjarja ndodhi në lokalin që ishte në pronësi të tyre.
Dyshohet se përplasja me armë ka ndodhur për shkak të prishjes së pazareve të drogës, pavarësisht se nga informacionet e para u cilësua si vrasje pas një sherri të momentit.
Kujtojmë se vetëm disa minuta pas ngjarjes policia njoftoi se dy të rinjtë ishin nisur me urgjencë drejt Tiranës pasi ishin në gjendje kritike për jetën (lexo këtu).
Burimet thonë per Faxweb.al pse policia ka mbërritur 20 minuta pasi ka ndodhur ngjarja, pavarësisht se komisariati i policisë ndodhet shumë pranë vendit ku ndodhi vrasja e dyfishte, dhe pas atentatit në hyrje-daljet e qytetit nuk shihet prezenca e shtuar e saj.
Lokali ku ka ndodhur ngjarja quhet “KF Laçi”, shumë pranë me rajonin e policisë. Ky ambient është i njohur në qytet për konflikte të tilla të cilat janë të herëpashershme, ndëkohë që qytetarët jashtë kamerave shprehen se ky ambjent është shumë problematik sa i takon konsumimit të hashashit.
Ndërkohë burime për Faxweb.al bëjnë dije se policia ka shoqëruar persona të cilët mendohet të jenë dëshmitar okular të ngjarjes, si dhe po sekuestrohen kamerat e sigurisë të bizneseve aty pranë për të bërë edhe indentifikimin e autorëve.
Në videon e mëposhtme janë disa gra të cilat mendohet të jenë të afërm të viktimave të cilat kalojnë shumë pranë vendit ku ndodhi krimi.
(E.K/FAXWEB.AL)
Discussion about this post