Zvicra u eliminua dje nga Kupa e Botës nga Suedia e cila e mposhti me rezultatin minimal 1-0, një gol që erdhi pas një devijimi fatkeq të njërit prej mbrojtësve zviceranë.
Kjo siguririsht zhgënjeu zviceranët por edhe shumë shqiptarë që mbështesnin Zvicrën e futbollistëve shqiptarëv të cilët në ndeshjen ndaj Serbisë çuan peshë miliona shqiptarë duke bërë simbolin e shqiponjës pas golave të realizuar.
Rreth këtij eliminimi ka ka reaguar dhe futbollisti Granit Xhaka, i cili përmes një postimi në ‘Instagram’ thotë se ky ka qenë një rrugëtim i pabesusueshëm dhe premton se kurrë nuk do të ndalojë së luftuari.
“Ishte një rrugëtim i jashtëzakonshëm në Botëror me këtë ekip dhe këta shokë dhe dhemb të them se i erdhi fundi.
Ju falënderoj secilin prej jush që më keni mbështetur gjatë këtij rrugëtimi, i cili kishte ngritje dhe zbritje.
Nuk di se si ta përshkruaj se sa me fat jam që e përfaqësoj këtë vend në Botëror.
Ngritjet kanë qenë të pabesueshme, ndërsa rëniet dhembin. Sidoqoftë, unë mund t’ua jap një premtim: Unë nuk do të ndalem kurrë së luftuari. Ky është futbolli. Kjo është jeta. Faleminderit që e keni ndarë këtë aventurë me mua”, ka shkruar Xhaka.
(B.H/Faxweb)
