Flamurin Shqiptar dhe atë serb I kemi parë përkrah njëri-tjetrit vetëm në raste të veçanta të zhvillimit të ndonjë samiti apo gjatë vizitave zyrtare të liderëve të shteteve përkatëse.
Konflikti mes Kosovës dhe Serbisë vijon ende për aq kohë sa urat e dialogut janë ndërprerë prej disa kohësh tashmë, ndërkohë që arritja e një marrëveshjeje përfundimtare për çështjet e hapura midis tyre duket e largët.
Gazetari Idro Seferi ka shpërndarë këtë imazh në rrjete sociale ku shihen dy peshqirë një me ngjyrat e flamurit shqiptar dhe tjetri me ato serbe, të cilët qëndrojnë në dy shezlonge në një pishinë në Beograd.
Ndërsa në postimin e tij në rrjetet sociale nuk kanë munguar komentet edhe nga qytetarës serb, dhe ajo që bën përshtypje ka të bëjë me faktin se një pjesë e tyre akuzojnë politikën si përçarëse mes dy popujve, ndërsa shprehin pëlqimin për imazhin në fjalë.
Ndërkohë Seferi shkruan përkrah fotos: “Pishinë në Beograd….është nxehtë për të gjithë”
(F.GJ/FAXWEB.AL)
Discussion about this post