Një gjykatë në Ukrainë ka arrestuar një biznesmen i cili dyshohet se kishte planifikuar komplotimin e vrasjes së gazetarit disident rus Arkady Babchenko.
Borys Herman thuhet se ka paguar $ 15,000 (£ 11,300) për vrasjen e Arkady Babchenko në Kiev, raporton BBC.
Ai tha se nuk kishte ndërmend të vriste raportuesin dhe kishte bashkëpunuar me shërbimin e sigurimit SBU.
SBU inskenoi vdekjen e Babchenko me qëllim që nxirrej në pah më shpejt komploti dhe personi që e donte të vdekur.
Por duket se Ukraina është kritikuar ashpër për inskenimin që krijoi dhe kritikët thonë se kjo lëvizje i ka dhënë Rusisë avantazh moral, ndërsa nga ana tjetër Moska e cilësoi operacionin si një akt provokimi.
Për inskenimin e “vrasjes” së gazetarit u përdor gjaku i derrave.
Babchenko tha më parë se zoti Herman, i cili punon për një kompani armësh ukrainase-gjermane, kishte paguar për vrasjen.
Sulmuesi i paidentifikuar i punësuar kishte qenë gjithashtu pjesë e operacionit të përpunuar të goditjes, tha SBU.
Herman u arrestua në paraburgim për dy muaj. Babçenko është një ish korrespondent i luftës i cili iku nga Rusia në 2017. (B.H/Faxweb)
Discussion about this post