Policia e Lezhës ka zbuluar gjatë ditës së sotme një magazinë që përdorej për tharjen e hashashit, ndërsa ende nuk është bërë e ditur sasia e bimës narkotike që ështe gjetur aty.
“Panorama” sjell fotot ekskluzive të magazinës së kanabisit, dikur godinë e pularisë së Rrëshenit.
Burime për gazetën thanë se brenda saj janë gjetur 25 persona. Nga këta, vetëm 15 janë arrestuar, ku dy prej tyre janë lidhur nga Policia, pasi nuk kishte marrë mjaftueshëm pranga për t’i prangosur.
Në këtë operacion morën pjesë mbi 100 forca policore. Ndërkohë, deputeti i PD-së, Flamur Noka, që denoncoi i pari rastin, tha për “News24” se operacioni është dekonspiruar dhe se në të janë të përfshirë zyrtarë të lartë të shtetit.
