Protesta e banorëve të Unazës së re është ccdo ditë e më masive, ndërsa banorët shprehen të vendosur teksa kanë hyrë në muajin e dhjetë që ndodhen në rrugë, për të mos lejuar vijimin e projektit, e në mbështetje të tyre ka qëndruar vazhdimisht opozita e bashkuar.
Mbrëmjen e sotme kryetarja e LSI-së, Monika Kryemadhi është fotografuar në një nga lokalet e zonës së Astirit me disa nga banorët që preken nga ky projekt.
Duke pasur parasysh se kjo protestë ndodhet në një fazë të nxehtë, ku banorët nuk janë lejuar nga Policia të bllokojnë rrugën, angazhimi personal i kryedemokratit Basjha mbrëmjen e kaluar dhe Kryemadhit mbrëmjen e sotme, tregon se opozita vijon të mbetet e angazhuar në një nga betejat më të mëdha anti-qeveritare të viteve të fundit.
Lidhur me takimin e sotëm, mendohet se temë e takimit mund të ketë qenë vijimi i aksionit për mbrojtjen e banesave të qytetarëve që preken nga projekti i Unazës së Re.
(F.GJ/FAXWEB.AL)
Discussion about this post