Një i ri malazez është arrestuar sot nga policia në Tiranë, pasi kishte hyrë në Shqipëri ilegalisht, në përpjekje për t’i shpëtuar drejtësisë në vendin e tij.
Autoritetet malazeze kishin sinjalizuar palën shqiptare për mundësinë që 22-vjeçari me inicialet A.S. të strehohej në Shqipëri.
Mediat në Malin e Zi raportojnë, ai është Arsenije Stanović, dhe dyshohet se ka vrarë një shtetase ukrainase Anastasia Lašmanovu, me të cilin ai ishte në një lidhje.
Pnikm.me raporton se Lashmanova dyshohet se është vrarë me thikë në apartamentin e saj nga 22-vjeçari.
Ai ishte në një lidhje me vajzën ukrainase, disa vite më të madhe dhe dyshohet se ka qëlluar me thikë dhe i ka shtypur kokën.
Njoftimi i policisë
Policia e Tiranës gjatë një operacioni bazuar në informacionet e Policisë së Malit të Zi, ka bërë të mundur kapjen në Tiranë të një shtetasi malazez të dyshuar për vrasje.
Shtetasi A.S, 22 vjeç nga Mali i Zi kishte hyrë ilegalisht në Shqipëri.
Falë bashkëpunimit të ngushtë me Policinë malazeze dhe shkëmbimit në kohë të informacionit, u bë i mundur identifikimi i vendodhjes si dhe kapja e tij.
Shtetasi A.S., dyshohet se ka vrarë një shtetase ruse në Malin e Zi.
Nga ana e Policisë së Shtetit u bë deportimi për në Malin e Zi i shtetasit A.S., i cili është marrë në dorëzim nga shërbimet e Policisë malazeze.
(M.Q/Faxweb)
Discussion about this post