Ish Ministri i Drejtësisë Ylli Manjani ka deklaruar se në zgjedhjet e kaluara parlamentare askush nuk ka votuar për kandidatët për deputet por për kryetarët e partivë politike, pasi sipas tij, në fletën e votimit janë të shunuar vetëm emrat e partive dhe kryetarëve përkatës.
Në reagimin e tij në rrjetet sociale, Manjani ka publikuar edhe një kopje të një fltete votimi me të cilën argumenton se, “Nuk është zgjedhur as Lefter Koka e madje as Sali Berisha, Monika Kryemadhi apo Taulant Balla e Gramoz Ruçi me shokë…. Askush përveç partive dhe kryetarëve të tyre nuk është zgjedhur. Le pastaj të pretendosh që populli paska zgjedhur fundlistësit Ylli Shehu, Edmond Rrushi, Kujtim Gjuzi, Ralf Gjoni e te tjerë që s’ua dimë as emrat”.
Kjo sipas ish-ministrit hedh poshtë të gjitha deklaratat e politikanëve kur thonë se ““më ka votuar populli” janë palaçollëk politik e juridik! Le pastaj ata që deklarojnë se “ju ka thënë Amerika dhe Europa…””.
Sipas tij, ky është system i partive dhe jo i emrave.
Reagimi i plotë:
Kjo është fleta e votimit e përdorur në votimet për zgjedhjet parlamentare të vitit 2017.
Pra votuesit kanë zgjedhur partitë jo emrat në listat e tyre!!!
Të vetmit emra që mund të themi se janë zgjedhur janë ato të kryetarëve të partive që janë djathtas fletës. Asnjë emër tjetër, po asnjë fare!
Nuk është zgjedhur as Lefter Koka e madje as Sali Berisha, Monika Kryemadhi apo Taulant Balla e Gramoz Ruçi me shokë…. Askush përveç partive dhe kryetarëve të tyre nuk është zgjedhur.
Le pastaj të pretendosh që populli paska zgjedhur fundlistësit Ylli Shehu, Edmond Rrushi, Kujtim Gjuzi, Ralf Gjoni e te tjerë që s’ua dimë as emrat.
Ky është sistemi i votimit që kemi!
Ndaj ato deklaratat e renegatëve që “më ka votuar populli” janë palaçollëk politik e juridik! Le pastaj ata që deklarojnë se “ju ka thënë Amerika dhe Europa…”
E përsëris: ligjet përcaktojnë si zëvendësohen emrat, por jo partitë në Parlament!
Ky është sistemi i partive jo i emrave, për të mirë apo për të keq!
(F.GJ/FAXWEB.AL)
