Ministri i Punëve të Jashtme të Shqipërisë, Ditmir Bushati, ndryshe nga herët e tjera, ka zgjedhur që në llogarinë e tij në “Instagram” të publikojë një foto nga familja e tij. Nuk bëhet fjalë për fëmijët, gruan apo prindërit, por për dy gjyshërit e tij.
Një foto bardh e zi, ku dy gjyshërit shfaqen në rininë e hershme, të veshur me kostume popullore nga Marubi. Këto fotografi të hershme, ai i ka ndarë me ndjekësit në Ditën e Europës, kur një vit më parë u hap Muzeu i Parë i Fotografisë në Shqipëri.
“Meqë si dje një vit më parë, në Ditën e Europës është hapur Muzeu i parë i Fotografisë në Shqipëri, një investim i qeverisë shqiptare dhe KM @ediramaal Muzeu Marubi në Shkodër. U kujtova për këto dy fotografi të gjyshërve të mi Adlije dhe Qemal Kopliku të shkrepur nga Marubt :)”, shkruan Bushati.
(XH.A/SHUPLAKA)
