Ministrja e Shëndetësisë Ogerta Manastirliu në një postim në facebook ka paraqitur një infermier tek Infektivi i cili është duke u kujdesur për një pacient me simptoma të rënduara. Pacienti i gjinisë mashkull ndodhet përmbys në krevat ndërkohë që infermieri po përkujdeset për të. Në fund të postimit, Manastirliu nuk nguron të falenderoj stafin mjekësor për punën e palodhur që bën çdo ditë në luftë kundër pandemisë.
Postimi i plotë: Infermier Korabi është aktualisht në shërbim, duke u kujdesur për pacientët e shtruar në spital, me simptoma të rënduara, si pasojë e virusit të rrezikshëm COVID19. Krenare për punën e palodhur e stafit të spitalit COVID1, që prej ditës së parë të epidemisë!
T’i ndihmojmë, duke nxitur ndjenjën e përgjegjësisë tek çdo qytetar, për respektimin e disa masave të thjeshta, efikase për të frenuar përhapjen e COVID19.
