Sipas mediave të huaja, portieri Iker Casillas pësoi një infarkt miokardi, i njohur si një sulm në zemër por u trajtua shpejt dhe u bë me dije se ndodhej jashtë rrezikut për jetën.
Ai vazhdon të jetë në spital dhe nuk do të luajë më në Porto në pjesën e mbetur të sezonit të tyre të Primeira Liga.
Ndërkohë Casillas ka përshëndetur dhe i ka qetësuar fansat e tij nga dhoma e spitalit ku qëndron i shtruar me një fotografi të postuar në rrjetet sociale ku duket mirë dhe i qeshur.
Portieri 37 vjeçar, i cili fitoi çmimin më të madh të futbollit me Spanjën në vitin 2010 në momentin e pësimit të sulmit kardiak mësohet se Casillas ishte në përgatitje intensive për ndeshjen e radhës kundër Aves këtë fundjavë.
Ai shkoi në Porto në 2015 me gruan Sara Carbonero.
Gjatë karrierës së tij futbollisti legjendar ka fituar tri herë Champions League, në vitin 2000, 2002 dhe 2014.
(F.GJ/FAXWEB.AL)
Discussion about this post