as rrëzimit të një helikopteri në jug të Arabisë Saudite, pranë kufirit me Jemenin, ka humbur jetën një princ saudit.
Kanali Al-Ekhbariya njoftoi vdekjen e princit Mansour bin Muqrin, zëvendës guvernator i provincës Asir. Helikopteri i tij u rrëzua pranë kufirit jugor të mbretërisë me Jemenin.
“Princi Mansour bin Muqrin, zëvendësguvernator i provincës Asir, ka vdekur në përplasje”, thuhet në komunikatë.
Ende nuk ka të dhëna për numrin e saktë të viktimave, por nga të dhënat paraprake mësohet se të gjithë pjesëtarët në bord kanë humbur jetën përfshirë edhe princin.
Nuk dihen ende shkaqet dhe motivet e rrëzimit të helikopterit, ndërsa autoritetet kanë nisiur hetimet.
