Një ngjarje e rëndë ndodhi ditën e sotme në fshatin Bularat të Gjirokastrës gjatë ceremonisë në nder të të rënve grekë gjatë Luftës së Dytë Botërore, ku një 35-vjeçar grek ka hapur zjarr me kallashnikov ndaj policisë shqiptare dhe është larguar.
Pas largimit nga vendi i ngjarjes, policia ka zhvilluar kontrolle në zonë, mes të tjerave edhe në shtëpinë e Katsifas në Bularat, për gjetjen e tij. Faxweb.al, ka siguruar një foto nga brenda dhomës së Katsifas në Bularat, gjatë bastisjes nga policia. Në foton e siguruar shihen rroba ushtarake të 35-vjeçari, një flamur grek dhe një i Vorio-Epirit si dhe nëna e tij.
Pas kontrolleve të shumëta, policia ka arritur të lokalizojë 35-vjeçarin ekstremist grek, që hapi zjarr ndaj policisë shqiptare, i cili ishte fshehur tek depot e ujit në Bularat.
Pas kësaj, forcat RENEA kanë shkuar menjëherë në vendin e lokalizuar ku ndodhej Katsifas dhe i kanë kërkuar atij që të vetëdorëzohej, por ai u është përgjigjur me breshëri kallashnikovi, gjë që ka bërë që edhe policia ti kundërpërgjigjet, duke e lënë atë të vdekur.
Kujtojmë se 35-vjeçari grek që hapi zjarr sot ndaj policisë shqiptare e kishte paralajmëruar sulmin e tij 5 ditë më parë, në datën 23 tetor, përmes një postimi në rrjetet sociale.
Teksa shfaqet duke pozuar me flamurin e Viorio-Epirit, duket se i riu ka paralajmëruar ngjarjen në fjalë, ai shkruan “Grek ose vdekje”.
“Rama dhe Tsipras bëjnë plane pa nikoqirët. Për një gjë të jeni të sigurt. Rinia e Vorio Epirit nuk do të qëndrojë spektatore (nuk do bëj sehir). Thirren të gjithë grekët e Vorio Epirit që në 28 Tetor të dërgojnë një mesazh në çdo anë. Grek ose vdekje!”, shkruan Kostandinos Kaçifa në Facebook.
Pas breshërisë me kallashnikov mbi policinë e Gjirokastrës, në operacion janë angazhuar forcat RENEA nga Tirana për kapjen e tij. Vendodhja e tij u lokalizua e më pas si pasojë e të shtënave mbeti i vrarë Kostantinos Katsifas.
Katsifas qëlloi me armë zjarri ditën e some në Bularat drejt policisë shqiptare, ndërsa po zhvillohej ceremonia për ushtarët e rënë grekë, gjatë luftës së dytë botërore.
(B.B/ Faxweb.al)
Discussion about this post