Presidenti amerikan Donald Trump po vijon vizitën e tij tre ditore në Britaninë e Madhe ku është takuar me drejtuesit kryesor të vendit përfshirë edhe mbretëreshën Elisabet.
Në takimin që pati me kryeministren në ikje, Theresa May, Trump deklaroi që Amerika dhe Anglia mund të krijojnë një treg të ri midis tyre.
Në takim ishin të pranishëm biznesmenë të mëdhenj britanik, ministri britanik i financave si dhe zonja e parë e Amerikës Melania Trump.
Trump i siguroi biznesmenët se largimi nga BE-ja nuk është fundi pasi një treg i ri mund të hapet midis Anglisë dhe Amerikës dhe kjo do të sjellë shumë përfitime tek të dy.
Në të njëjtën kohë protestues jashtë parlamentit kanë fryrë një balon gjigant të Donald Trump në formë të një bebi duke e thirrur ‘arrogant’ dhe ‘të mitur’.
Gjithashtu edhe gjatë fluturimit të tij me helicopter mbi çatitë e godinave të institucioneve më të rëndësishme të Londrës, Trumpit I ëshrtë dashur të shikojë në rrugët e kryeqytetit protestuesit që lëshonin thirrje kundër tij dhe politikave që ai ndjek.
Discussion about this post