Libri Shtate Fletore i poetit martir Havzi Nela, me 5548 vargje, botim i plotë, u përgatit dhe u botua në 30 vjetorin e ekzekutimit të tij me varje nga regjimi komunist.
Libri Shtate fletore u pergatit për botim nga poeti Rexhep Shahu dhe u botua nga Shtepia Botuese e promovuese Klubi i Poezisë, me mbeshtetjen e humanistit Flamur Hoxha.
Shtate fletoret me poezi të Havzi Neles që nga viti 1983 janë ruajtur të murosura në mure të shtëpisë dhe të groposura të rrënjët e mollës pranë shtëpisë së Havziut. Këto shtatë fletore me poezi ia kanë ruajtur vëllezërit si amanet. Havzi Nela ka bërë 20 vjet burg dhe një vit internim si kundërshtar i deklaruar i Enver Hoxhës. Me 10 gusht 1988 ai u ekzekutua me varje në litar.
6 fletore me poezi janë shkruar në burg deri ne vitin 1983, ndërsa fletorja e shtatë me 4 poezi është shkruar në internim në Arrën të Kukësit në vitin 1987.
Gjysma nga 5548 vargjet që ka shkruar poeti Havzi Nela i kushtohen Kosovës dhe lirisë së saj, duke u bërë kështu poeti shqiptar që ka shkruar vargje për Kosovën më shumë se çdo autor tjetër shqiptar. Ndërsa gjysma e vargjeve i kushton jetës së vështirë, krahinave shqiptare dhe janë poezi revolte e kushtrimi. Derisa u botua vepra e plote e poetit martir Havzi Nela, nuk ia ka njohur dhe as ka folur ndokush për dimensionin e tij patriotik.
Discussion about this post