Një incident ka ndodhur në stadiumin “Selman Stërmasi”, teksa gjatë ndeshjes Tirana – Partizani janë fikur dritat.
Pjesa e parë është mbyllur 0-0, ndërsa gjatë minutës 63’-të të fraksionit të dytë stadium është “zhytur” në errësirë.
Drejtuesit e stadiumit kanë njoftuar se ka qenë një incident që ka quar në ndërprerjen e takimit ndërsa të dy ekipet janë dërguar në dhomat e zhveshjes.
Sipas informacioneve, stadiumi brenda ka drita, problemi qëndron vetem tek kullat e ndricimit.
Një ngjarje e tillë ka ndodhur dhe dje në “Loro Borici” në përballjen mes Vllaznisë dhe Korabit, ku u shkëput energjia elektrike për pak minuta.
Pa harruar dhe rastin në sfidën miqësore të luajtur në 2009 mes Gramozit dhe Real Madridit.
