Një ngjarje e rëndë ka tronditur Britaninë pasi është qëlluar për vdekje me armë zjarri para syve të gruas së tij dhe fëmijës së vogël një shtetas shqiptar.
Viktima është identifikuar si Flamur ‘Alex’ Beqiri, 36-vjeç, i cili u qëllua ditën e djeshme para shtëpisë së tij 1.5 milion paund. Pas ngjarjes, autori u largua menjëherë, ndërsa nuk është identifikuar ende nga policia.
“Ndodhën shumë shpejt. Kishte tetë deri në 10 plumba”, tha një 60-vjeçare, dëshmitare nga vendi i ngjarjes.
Sipas “Daily Mail”, Beqiri u zhvendos në Mbretërinë e Bashkuar në vitin 2016. 36-vjeçari po kthehej në shtëpi me gruan e tij dhe fëmijën, kur u qëllua në oborrin e shtëpisë. I njohur me emrin Alex, Flamur Beqiri është po ashtu vëllau i modeles me origjinë shqiptare Misse Beqiri.
Misse Beqiri është njohur në Britani për pjesëmarrjen në emisionet “reality”.
Misse Beqiri ka luajtur te “Real Housewives of Cheshire”, dhe vëllai i saj 36-vjeçar, Flamur Beqiri, kishte nënshtetësi suedeze dhe njihej me emrin “Aleks”.
Discussion about this post